పేరు చూసి ఇదేదో కొంచెం ఇంటెరెస్టింగ్ గా ఉంది కదా అనుకుంటూ చేతిలోకి తీసుకుంటే "యండమూరి వీరేంద్రనాథ్" అని ఉంది, చాల రోజుల క్రితం "ప్రేమ" అనే నవల చదివిన గుర్తు.
అలా కొని చదవడం ప్రారంభించిన పుస్తకం ఈ రోజు పూర్తి చెయ్యగలిగాను.
మార్పు మీద ("చేన్జి మానేజ్మెంట్") మీద ఇదివరకు చాల పుస్తకాలు వచ్చాయి నేను కూడా ఒకటి రెండు చదివాను. వాటిలో నాకు చాల నచ్చిన పుస్తకం "Who moved my Cheese".
కాని ఆ పుస్తకాలన్నిటి కి భిన్నంగా ఈ పుస్తకం ఉంది అని ఖచ్చితం గ చెప్పగలను. దానికి కారణం ఒక కధ ని సూటిగా చెప్పేస్తే కధ బాగుంది అనుకుంటాం కాని దీనిలో చాల కధలు ముఖ్య కధకు జోడించి అంతర్లీనం గ ఒకో అంశాన్ని విశ్లేసిస్తూ చెప్పిన విధానం నాకు చాల నచ్చింది. ఆ చిన్న కధల్లో చాల మటుకు ఇంటర్నెట్ లో మెయిల్స్ రూపం లో మనకు తెలిసినవే ఐన వాటిని మనం ఏ విధం గ మన జీవితానికి అన్వించు కోవాలో ఏ కధ మన లోని ఏ పాయింట్ ని వెలికి తీస్తుందో మనం ఎప్పుడు ఆలోచించని విధం గ రాసిన విధం చాల బాగుంది.
ముఖ్యం గ అతడు చెప్పా దల్చుకున్న విషయం ఏమిటి అంటే ప్రతీది కొత్తగ ఆలోచించు అని.
అలా ఎవరో ఆలోచించడం వల్లే ఈ రోజు నేను ఈ బ్లాగ్ హయిగా తెలుగు లో రాయగలుగుతున్నా.
కానీ మొదట అలా ఆలోచించడం తప్పు అని అందరు అంటారు, తర్వాత అలా అన్నవారే దాన్ని (తప్పు )ని అంగీకరిస్తారు.
అదే యండమూరి మాటల్లో
- "మార్పు ముందుగ యెగతాళి చెయ్యబడుతుంది, తర్వాత విమర్సిన్చబడుతుంది ఆ పై వ్యతిరేకిన్చబడుతుంది. చివరిగా ఒప్పుకోబడుతుంది. "
మరి కొన్ని
* మలుపు తిరగడానికి కరెక్ట్ ప్లేస్ - Dead-End 'అంతే ఐపోయింది. ఇంకేం లేదు' అనుకున్న చోట ఆగిపోకు, పక్కకు తిరుగు. మరో దారి కనపడుతుంది.
* ప్రతి మనిషి విజయము అతడి నీతీ, నిజాయితీ మీద ఆధార పది ఉంటుంది... అంటే... అవి యెంత వరకు కావాలి అని కాదు. చట్టానికి లోబడి, వాటిని యెంత వరకు విడిచి పెట్టవచ్చో తెలుసుకోవటం మీద ...
* అందరు మూర్ఖులుగా మారి ఒకడు మారక పొతే సమస్య. ఒకడు తొందరగా మారి మిగత వారు మారక పొతే ఇంక పెద్ద సమస్య.
* Pigs Don't know that Pigs Stink.
* అవకాసం తలుపు తట్టటం లేదు అని ఏడవకు. ముందు నీ గది కి తలుపు ఉందొ లేదో చూసుకో.
* నీ మీద నీడ పడుతోంది అంటే ఎక్కడో లైట్ వేలుగుతోందన్నమాట.
* వాదన వల్ల గెలుపు రాదు, చేతల వల్ల వస్తుంది. వాదన వల్ల కేవలం గొడవలు వస్తాయి.
* ఒక మనిషి గెలవటానికి వంద సూత్రాలు కావాలి. అందులో అన్నిటి కన్నా మొదటిది తనని తాను తెలుసుకోవడం. మిగత 99 అంతగా ప్రాముఖ్యం లేనివే .
ఇలాంటి లైన్లు ఈ పుస్తకం లో చాలానే ఉన్నాయ్. వీటికన్నా నాకు ఇందులో చెప్పిన చిన్న కధలు కొన్ని బాగా నచ్చాయి.
ఈ పుస్తకం ఒకసారి తప్పని సరిగా చదవ వలసిన పుస్తకం. ఇది మీలో అంత మార్పు రాకపోఇన ఇది ఒక మామూలు నవల గ టైం పాస్ కోసం ఐన చదవచ్చు.
ఇంతే సంగతులు, చిత్తగించవలెను.
Posts
No comments:
Post a Comment